باسم مغنية يهاجم ابنة فيروز: لا تشبه رقي عائلة الرحباني

شن الممثل اللبناني باسم مغنية هجومًا على المخرجة اللبنانية ريما الرحباني ابنة فيروز والفنان عاصي الرحباني، وذلك بعد هجومها الشرس على مهرجان بعلبك بسبب عدم الاستئذان في إعادة توزيع أعمال الأخوين رحباني أو حتى استخدام صور لفيروز دون استشارتها خلال حفل بعنوان “صوت الصمود”.

واعتبر باسم مغنية أن مهرجان بعلبك لم يخطئ في حق فيروز، كما اتفق في الرأي مع ريما الرحباني في بعض النقاط، لكنه عاب عليها أسلوبها في الهجوم، إذ كتب في تغريدة عبر حسابه بموقع تويتر: “رغم أن هناك وجهة نظر ببعض مما تقول، لكن دائمًا أسلوبها يتخطى المحظور، أسلوبها في التعبير لا يشبه رقي عائلة الرحباني، هنا لا تصح المقولة (هذا الشبل من ذاك الأسد)، هذه المقولة تجوز على زياد، فيروز العظيمة نحن أولادها، مهرجانات بعلبك لم تخطئ بحق فيروز، بل تفتخر بها”.

وكانت ريما الرحباني كتبت في وقت سابق منشورًا مطولًا، جاء في بعض أجزائه: “لجنة ولدنات بعلبك، دخلكن الاخوين مش تنين؟ ما فهمت أنا إذا بدكن تعيدوا أي عمل من أعمالن… أولاً، مش لازم تاخدوا إذن من التنين؟ وخاصة إنّو من سنتين او تلاتة رحلكن إنذار بهالخصوص؟ ولا نسيتو؟ تانياً، لما تاخدوا عمل تتعيدوه، الأصول تعيدوه بصيغته الأصلية المشرّفة إلكن ولغيركن، وأكتر بكتير واللي كرمالا انتو عم تعيدوه، والا كيف؟ انو شو بها الموسيقى الأصلية تينعاد توزيعا؟ وسلّمنا جدلاً انّو حابين ينعاد توزيعا”.

وأضافت: “مع اني انا ضد ميّة بالميّة ودايما انا مع الأصليّة، هيك عمل في شي اسمو إذن اولاً لإعادة التوزيع، وفي مسؤولية وفي قيّمين آخرين أولى يوزّعوا ويشيروا ويبدوا رأين هاي مسؤولية كبيرة ما بيقرّرها مين ما كان”.

وتابعت: “تالتاً لما بدكن تستعملوا صور لفيروز مش لازم تستأذنوها؟ رابعاً، مش لازم يكون عندكن الحد الأدنى من اللياقة وتعرفوا حجم كل اسم قديه بيكون؟ لأنو الحجم إلو علاقة بالفعل بلا معلميّة يعني، خامساً، صح النوم مش للأخوين؟ وما مرقت عندكن بالـ2006؟”

وقالت الرحباني أيضاً: “مش كان لازم تستشيرونا باختيار العمل وفقاً للمناسبة؟ أنا يمكن كنت فضّلت جبال الصوان على فخر الدين، مؤاتية للوضع أكتر خاصة وإنّو كل الشعب استشهد ع البوابة من الجوع والسرقة والفحش والبطر تبعكن وتبع الحكّام اللي فوقكن! اللي خرّب البلد هنّي امثالكن اللي بيِنهَبوا الدولة ومال الدولة لتمويل هيك مشاريع ومن جيوب الناس، هنّي وفاتك الدولة، والفاتك بالدولة، وطبعاً فاتك بالجمع يعني فواتك الدولة.. إي ما بعرف شو قصدكن بفخر الدين بهالمرحلة بالذات وهوّي الدين بالذات اللي قضى ع فخرنا وعلينا مش كورونا والا شفتو الغرب هيك عمل نسختوه لأن هيدا اللي شاطرين فيه النسخ”.

 

(فوشيا)