نسوة كافيه موقع يُعنى بشؤون المرأة اللبنانية
فاجأت لجين شومان، ابنة الفنان المصري محمد شومان، الجميع بإعلانها التبرؤ من والدها المقيم في تركيا منذ عدة سنوات، موضحة أنها وأسرتها أصبحوا رافضين لأي علاقة تربطهم به تمامًا.
وقالت “لجين”، تعليقًا على مقطع الفيديو الذي وثقّته عبر حسابها الخاص على موقع “فيسبوك”: “اضطريت آسفة أعمل الفيديو ده بعد ما تجنبته لسنين، لأسباب كتير أوي منها إن ناس قليلة جدًا اللي تعرف إنك بابايا، فعلًا كان نفسي أكمل كده ومحدش يعرف، ده رد على البيان اللي محمد شومان أصدره النهاردة على صفحته”.
وجاء في فيديو لجين شومان: “أنا لجين شومان ابنة محمد شومان اللي أصدر بيان النهاردة بيناشد السلطات إنهم ينقذوا أسرته اللي بيموتوا بالبطئ، وإنهم يفرجوا عن أخويا من غير أي شروط، الأول عاوز أعلق على أننا مش أسرتك علشان إنت مجرد اسم على البطاقة وإحنا ملناش صلة بيك وقطعنا كل ما ليه علاقة بيك من 5 سنين”.
وأردفت قائلة: “ابنك اللي بتناشد السلطات علشان تطلعه اللي إنت متحملتش مسؤوليته من وهو عنده سنة ونص واللي ربته هي أمه واللي طلع مع مامته، إنت مش رب أسرتنا، إحنا رب أسرتنا أمنا، ورب أسرة أحمد أمه برودوا، إنت مش مسؤول عننا ولا مسؤول مننا، ومش من حقك تطلع تتكلم بلساننا، وإحنا مطلبناش منك ده ولا عمرنا طلبنا منك أي حاجة خالص”.
وشددّت ابنة الفنان المصري قائلة: إنت بتتكلم عن أخوك وابن أخوك بس مالكش دعوة بينا، هما بيحققوا معاه علشان يتأكدوا إنه ما فيش صلة بيك تمامًا وهيطلع متتدخلش أرجوك، عاوز تعمل صورة الأبْ اللي هو عاوز ينقذ أولاده، انزل وواجه ده بنفسك، بس متبقاش قاعد في بلد تانية وتتكلم بإسمنا”.
وبينت لجين شومان: “حاولنا نشيل اسمه، ونرفع قضايا ونتشال منه ميبقاش حتى اسم على البطاقة بس معرفناش وبنوجه رسالة للسلطات، لو هما يعرفوا يساعدونا نعمل ده عشان نتبرأ تمامًا منه خليكوا معانا إحنا بنحاول، وأرجوك متتكلمش بلساننا”.
وأحرجت “لجين” والدها بالقول: “متطلعش بيانات اللي انت بتعمله ده مجرد صورة”، متمهمًة إياه بأن ما يفعله مجرد دعاية على حسابهم لفيلمه الجديد فواصلت: “انت بتعمل ده بس علشانك، بتتكلم عن فيلم وبتعمله له دعاية على قفانا، مش عارفة أقولك إيه الحقيقة”.
https://www.facebook.com/lojin.showman/videos/3874932705880215/?t=11
واستأنفت قائلة: “إنت بتقول إن احنا بنموت بالبطئ، وإن وجودنا ها أذى لينا، لأ إحنا موجودين هنا بإرادتنا، مفيش حد طلع علينا بأذى، ولا في أذى من الدولة علينا، وجودك هو الأذى الوحيد في حياتنا بجد، مختتمًة: “إحنا هنا علشان عاوزين نفضل هنا ومن غيرك وبقالنا سنين هنا، إنت هناك علشان ده قرارك إنت لوحدك إن إنت تكمل هناك وتبني حياتك هناك، إحنا كملنا من غيرك وعشنا حياتنا هنا من غيرك وفضلنا نخطي خطوات كتير من غيرك”.
ويعد الفنان محمد شومان من الفنانين الذين شاركوا في أعمال سينمائية مهمة قدم ببطولتها فنانيين مثل عادل إمام ومحمد هنيدي وكريم عبد العزيز، ومن بين الأعمال التي شارك فيها: “واحد من الناس”، “فول الصين العظيم”، و”مرجان أحمد مرجان” وغيرها، إضافة إلى العديد من المسلسلات التلفزيونية الشهيرة.
(فوشيا)
