نسوة كافيه موقع يُعنى بشؤون المرأة اللبنانية
“الحلو بهالمظاهرة ان الناس صرخة وحدة وما فيها طائفية الحمدلله ! الشعب يريد إسقاط النظام”، بهذه الكلمات أبدت الفنانة أمل حجازي رأيها بالإحتجاجات الّتي انطلقت أمس الخميس في المناطق اللبنانيّة.
ولكن أمل حجازي لم تكتفِ بهذه التغريدة، بل ردّت على تصريحات الوزير محمد شقير بالقول “قال الوزير شقير انو في أيادي خفيّة وراء المظاهرات. ضحكتنا والله خلص ضحك عالناس هذه المظاهرات وراها وجع الناس يا معالي الوزير! أي أيادي؟ أيادي الناس يلي نفضتوها من المصاري هيدي الأيادي يللي وراء المظاهرة والله عيب”.
كما وجّهت أمل حجازي رسالة إلى المعتصمين، فقالت “بتمنّى ما يكون في حرق دواليب وتخريب بالمظاهرة فينا نتظاهر برقي ونطالب بحقوقنا مش ناقصنا سرطان! لازم ننزل كلّنا بدون إستثناء ونضل ننزل لتسقط دولة النصب”.
وتساءلت أمل حجازي “لغيتوا ضريبة الواتس اب! والزبالة؟ والجوع؟ والمستشفيات؟ والاسكان؟ والسرطان يلي اكل الشعب؟ ووسخكم وسرقتكم ونهبكم؟ كيف منلغيهم؟ الشعب هالمرة مش طالع من الشارع بإذن الله. ثورة الكرامة”.
وختمت أمل حجازي سلسلة تغريداتها بالقول “هذه هي فرصة لبنان وشعبه لبداية جديدة ان شاء الله. أحلى كلمة بتنقال ان شاء الله بتنذلّوا ومنشوفكم مذلولين بالدنيا قبل الآخرة متل ما ذليتوا هالشعب والله شي مبكي”.
