فيديو لطفلةٍ تبكي بعد إبعادها عن والدتها يُغضب نادين الرّاسي ونادين نجيم: “الله لا يوفقكم يا بلا ضمير”

نشرت الممثلة نادين الراسي عبر حسابها على إنستغرام، مقطع فيديو لأب يحرم طفلته من أمها، وعبّرت عن غضبها واستيائها، فقالت: “بعدو حبُّن معنا ولو مهما غيابُن وجّعنا. الله كريم بيجمعنا. آمين يا رب… ما ننسى عدالة السّماء”.

وتابعت نادين الراسي في منشورها: “كيف ممكن أب موزون يحرم طفلة من إمها؟ ما بعرف شو الأسباب ولا بدي أعرف. بس هالبنت اللي عم تصرخ “الله يخليك ما تخليني روح معو” مين بيشفي عقدها النفسية بالمستقبل من ورا هالموقف؟ مين بينسيها هالحادثة؟ المحاكم الدينية صار لازم ينحطلا حدّ. والقوانين صار لازم تتغير”.

ومن جهتها، أزعج المنشور الممثلة نادين نجيم فعلّقت قائلة: “الله لا يوفقكم ما حدا بعبي محل الأم ما حدا عنده حنيتها واهتمامها إن الجنة تحت اقدام الأمهات يا بلا ضمير بكتني من نص قلبي.”