نسوة كافيه موقع يُعنى بشؤون المرأة اللبنانية
قصة غريبة بين عروسين تحولت في لحظة إلى حكاية أشعلت مواقع التواصل الاجتماعي، ليصبح العريس مصطفى حديث كل مواقع التواصل لما فعله في حفل خطوبته على الفتاة نيهال شعبان.
وأصل الحكاية، وفق ماكتبته العروس على صفحتها في موقع “فايسبوك”، يرجع إلى خلافات دبت بين الخطيبين أضمرها العريس في نفسه فقرر الانتقام من العروس وأهلها.
ونشرت الفتاة قصة خطيبها الذي تركها فجأة هو وأسرته في قاعة الحفلات من دون إتمام الخطبة، زاعمًا أن خاله مريض، واتهمته وأهله بسرقة عدد من “تورتات” الحفل قبل المغادرة.
قالت الفتاة نهال شعبان: “أنا كان مقرى فتحتي زي ما كله عارف على مصطفى وخطوبتي كانت يوم السبت، اللي فات المفروض، كان بينا مشاكل زي أي اتنين عاديين، وقلت دا عادي بيحصل بس اللي متخيلتش إنه يحصل إنه يسيبني في القاعة لوحدي.. اتفاجئت إنه مش عازم صحابه ولا قرايبه كلهم، وحسيت في حاجة غلط، حتى مامته وأخته مفيش واحدة فيهم جت باركتلي وقولت أمشي اليوم”.
وأضافت: “كل ما أقوله فين الشبكه اللي هنلبسها يقوللي أصل اتكب عليها شربات أصل وقع جاتوه عليها.. طب خليها بعد البوفيه، وكلام كله غريب كدا، لحد ما دخلنا بعد البوفيه لقيت أهله كلهم مشيوا.. وقال إيه خالوا تعب! فيقوم أهله كلهم يمشوا وأنا في القاعة لوحدي بدور عليه ألاقيه بيصرخ برا ويقول خالي عيان وبيلطم وحاجات غريبة كدا، وأنا أقسم بالله ما مستوعبة اللي بيحصل هو في واحد خاله عيان عيلته كلها بتمشي، الستات اختفوا، بس كانوا بيهزروا فوق نسيوا العيان”.
وتابعت: “والأنيل إننا اكتشفنا إنهم أخدوا التورت معاهم، طب مش خالك عيان.. أخدتوا التورت معاكم ملبستنيش شبكة.. وقبل كل دا بأيام جالي البيت وأخد التوينز بتاعت قراية الفاتحة بحجة إنه عايز يلبسني كله مرة واحدة في القاعة، وأنا هبلة وافقت، مجاش في بالي للحظة واحدة إنه هيعمل فيا كدا”.
واختتمت الفتاة قائلة: “دلوقتى حابة أقول كل دا عشان إيه؟ كان ممكن ننهي بالمعروف من غير أذى نفسي ليا.. كان ممكن تسترجل وتيجي تقولي يلا نفركش وكنت لغيت الخطوبة.. مش جي وبترقص وتقولي محضرلك مفاجأة.. وفي نيتك تعمل فيا كدا.. حسبي الله ونعم الوكيل”.
وبعد ساعات من انتشار المنشور على الـ”سوشيال ميديا”، ظهر تعليق من حساب باسم “مصطفى” يرد على الفتاة باعتباره صاحب القصة، يخبرها أنه نادم على معرفتها وليس نادمًا على ما فعله، ويضيف: “لو عايزة تتكلمى إحكي للناس الحكاية من البداية.. أنا ندمان على وقتي معاكي، أنا حبيتك بجد بس انتي للأسف ما تستاهليش الحب دا وكان لازم دي تبقى نهايتك”.
من ناحية أخرى تفاعل عدد من الفنانين مع قصة مصطفى ونيهال فسخر الفنان عمرو عبد الجليل من الواقعة بعد هروب العريس مع أهله يوم حفل خطوبته وترك خطيبته بعد ادعاء أن خاله تم نقله إلى المستشفى.
ونشر عمرو عبر “إنستغرام” صورة له من فيلم “دكان شحاتة” وعلق عليها قائلاً: “حلوة التورتة دي وريني”.
ولقيت الصورة ردود فعل واسعة من متابعيه إذ علق أحد المتابعين بإيفيه من إيفيهات عمرو نفسه بقوله: “خد التورتة أهي ياكش خالك يخف”.
وبالطبع لم يترك الفنان محمد هنيدي هذا الموقف ليعلق عليه بسخرية، وعبر حسابه الرسمي على “تويتر” نشر هنيدي صورة له من فيلم “عندليب الدقي” وعلق عليها بقوله: “والله كان فيه تورتة هموت عليها”، إشارة إلى أحد إيفيهاته الشهيرة من الفيلم “كان في زتونة كنت هموت عليها”؟.
(لها)
